ԱՄՆ նախագահ Դոնալդ Թրամփի ելույթի ընթացքում Սպիտակ տան մոտ կրակ բացած տղամարդը և նրա վնասազերծման գործընթացին մասնակցող սպան հոսպիտալացվել են: Դեպքի մանրամասները հայտնվել են ԱՄՆ-ի գաղտնի ծառայության Twitter-ի էջում, փոխանցում է Լենտան։
Գաղտնի ծառայության սպայի և հրաձիգի վիճակի մասին տեղեկություններ չեն հաղորդվում։
Ավելի վաղ հայտնել էինք, որ Թրամփի անվտանգության աշխատակիցներն առանց բացատրության հեռացրել են նրան ասուլիսի վայրից: Այն պահին, երբ Թրամփը հայտարարություն էր անում, անվտանգության աշխատակիցներից մեկն ինչ-որ բան է շշնջացել նախագահի ականջին, իսկ հետո հեռացրել նրան ասուլիսի սրահից:
Ավելի ուշ Թրամփը վերադարձել է և լրագրողներին տեղեկացրել, որ իրեն ասուլիսի վայրից հեռացրել են, քանի որ Սպիտակ տան հարակից տարածքում այդ ժամանակ կրակոցներ են հնչել։
