«Ցավոք ունենք շատ զոհեր, բայց եթե միայն առողջապահական տրամաբանությամբ առաջնորդվեինք, սոցիալական կոլապսի առաջ էինք կանգնելու», - ասել է այսօր Փաշինյանը։ Ֆեյսբուքյան իր էջում հղում կատարելով ՀՀ վարչապետին՝ գրել է Արմեն Աշոտյանը։
«Այսինքն նա փաստացի խոստովանում է, որ մեր կյանքերի գնով էր որոշել վճարել սեփական իշխանությունը երկարացնելու գինը։
Որ 1000 զոհ ենք տվել վիրուսին, քանզի Նիկոլը ի վիճակի չէր այլ կերպ ապահովել մարդկանց նվազագույն սոցիալական կարիքները։
Սա անմարդկային եւ ցինիկ հայտարարություն է, որի հեղինակը ոչ միայն բարոյական իրավունք չունի երկիր ղեկավարելու, այլեւ պատասխան պիտի տա մեր հայրենակիցների կյանքերը խլելու համար», - գրել է Աշոտյանը։
