Այսօր՝ սեպտեմբերի 16-ին, ԿԳՄՍ նախարար Արայիկ Հարությունյանը, խոսելով ուսանողների երեկվա ակցիայի մասին, որի ժամանակ նրանք պահանջում էին ուսման վարձի մասնակի փոխհատուցում անել, և պատասխանելով հարցին՝ ինչ է պատրաստվում անել նախարարությունը, ասաց, որ ուսանողների դիմումը հանձնվել է աշխատակազմ։
«Ես երեկ աշխատակազմի հետ խոսակցություն եմ ունեցել: Ես խնդրել եմ այդ դիմումը փոխանցել, որպեսզի տեսնենք, թե ինչ նորություններ ու առաջարկներ կան: Մենք անպայման կանդրադառնանք դրան, եթե անհրաժեշտություն լինի, նաև ուսանողների հետ հանդիպում կլինի»: