Միջազգային Քաղաքականություն 

Մեզ սպառնում էին․ Պուտինը՝ գերձայնային զենքի ստեղծման պատճառների մասին

 

ՌԴ նախագահ Վլադիմիր Պուտինը խոսել է Ռուսաստանի կողմից գերձայնային զենքի ստեղծման պատճառների մասին, փոխանցում է ՌԻԱ Նովոստին:

Պետության ղեկավարի խոսքերով, Մոսկվան ստիպված է եղել դիմել այդ քայլին այն բանից հետո, երբ ԱՄՆ-ն դուրս եկավ Հակահրթիռային պայմանագրից:

«ԱՄՆ-ի դուրս գալը Հակահրթիռային պայմանագրից 2002 թվականին Ռուսաստանին ստիպեց սկսել գերձայնային զենքի ստեղծման աշխատանքները: Մենք պետք է ստեղծեինք այդ զենքն՝ ի պատասխան ԱՄՆ հակահրթիռային պաշտպանության համակարգի տեղակայման, որն ապագայում կկարողանար իրականում չեզոքացնել, զրոյացնել մեր ամբողջ միջուկային ներուժը»,-ասել է Պուտինը:

«Ըստ էության, կային պահեր, երբ մեզ սպառնում էին, իսկ մենք պատասխան չունեինք»,-ավելացրել է նախագահը:

Պետության ղեկավարի խոսքերով, այս իրավիճակը ռազմավարական հավասարակշռության բացահայտ և վտանգավոր խախտում էր․ «Ես բազմիցս ասել եմ, որ տասնամյակներ շարունակ մենք անընդհատ ստիպված էինք հասնողի դերում լինել, դուք դա շատ լավ գիտեք»,-նշել է Պուտինը:

Նա շեշտել է, որ այժմ Ռուսաստանը, նորագույն պատմության մեջ առաջին անգամ, տիրապետում է զենքի ամենաժամանակակից տեսակներին, որոնք «ուժով, հզորությամբ և արագությամբ բազմակի անգամ գերազանցում են ներկայումս գոյություն ունեցող տեսակներին»։

 

 

  •  
  •  
  •  
  • 2
  •  
  • 1
  •  
  •  
  •  
    3
    Shares

Նույն շարքից