Ռուսաստանում նախարարներին և նրանց ընտանիքի անդամներին կարգելվի արտասահմանում հաշիվներ բացել: Այս մասին հայտնում է ՏԱՍՍ-ը՝ հղում անելով ՌԴ նախագահ Վլադիմիր Պուտինի կողմից Պետդումա ներկայացրած օրինագծի տեքստին:
Փաստաթղթի համաձայն, կառավարության անդամներին կարգելվի արտասահմանյան բանկերում հաշիվներ բացել և այնտեղ արժեքավոր իրեր պահել: Արգելքը տարածվելու է նաև նրանց ամուսինների ու անչափահաս երեխաների վրա:
Բացի այդ, նախարարներին չի թույլատրվի զբաղվել ձեռնարկատիրական գործունեությամբ կամ այլ վճարովի զբաղմունքներով, բացի ուսուցչական, հետազոտական և այլ ստեղծագործական գործունեությունից:
