Կորոնավիրուս Հասարակություն 

Գերմանիան իր քաղաքացիներին կոչ է անում Վրաստան այցելել միայն խիստ անհրաժեշտության դեպքում

analitik.am

Գերմանիայի արտաքին գործերի նախարարությունը երկրի քաղաքացիներին զգուշացրել է, որ Վրաստան այցելեն միայն խիստ անհրաժեշտության դեպքում, պատճառաբանելով, որ այդ երկրում կորոնավիրոսով վարակման դեպքերի աճ է արձանագրվում՝ գրում է Aliq-ը:

Հայտարարության մեջ ասված է, որ չնայած Վրաստանում կորոնավիրուսով վարակման քիչ թվով դեպքեր են եղել, վերջին շրջանում, հատկապես Աջարիայի տարածքում, վիրուսը կտրուկ տարածում է ստացել:

Վրաստանը հուլիսի 8-ից առանց սահմանափակումների թույլ է տվել երկիր մուտք գործել Գերմանիայի, Ֆրանսիայի, Էստոնիայի, Լիտվայի, Լատվիայի քաղաքացիներին, ինչպես նաև Գերմանիայում բնակվողներին, մշտական կացության իրավունք ունեցողներին:

Սեպտեմբերի 15-ից վերը նշված 5 երկրից Վրաստան այցելող անձինք պետք է ներկայացնեն վերջին 72 ժամվա ընթացքում անցկացված կորոնավիրուսի բացասական թեստ:

Նույն շարքից