Ռուսաստանի ԱԳ նախարար Սերգեյ Լավրովի ու Ադրբեջանի Միլլի Մեջլիսի նախագահի հանդիպման վերաբերյալ Մարիա Զախարովայի նկատողությունից հետո Ադրբեջանը փոփոխություն է կատարել նույն հանդիպման վերաբերյալ տարածած հայտարարությունում, որտեղ սխալ էր մեկնաբանվել Սերգեյ Լավրովի խոսքը: Այս մասին հայտնում է eadaily.com-ը:
Առաջին տարածված տեքսում ադրբեջանական կողմը պնդել էր, թե Լավրովը ՀՀ վարչապետ Նիկոլ Փաշինյանի վերջին հայտարարությունները «խոչընդոտ» է համարել հակամարտության կարգավորման համար:
Դրանից հետո հայտարարությամբ էր հանդես եկել արդեն Զախարովան, ով հորդորել էր կողմնորոշվել բացառապես Մոսկվայի դիրքորոշմամբ, այլ ոչ թե այլ մեկնաբանություններով:
Զախարովայի հայտարարությունից հետո Ադրբեջանի խորհրդարանի տարածած հայտարարությունում էական փոփոխություններ են կատարվել, «5 օկուպացված շրջանների վերադարձը» և «խաղաղապահ ուժերի տեղակայում» ձևակերպումներն առհասարակ անհետացել են:
Տեքստում փոփոխություններ են կատարվել նաև Սաֆիր Գաֆարովի խոսքում, որ Ադրբեջանն «ամեն դեպքում կվերադարձնի իր տարածքներ և թույլ չի տա այդ տարածքներում երկրորդ հայկական պետության ստեղծում»:
