Ղազախստանը միացել է մահապատժի վերացման միջազգային արձանագրությանը: Այս մասին հայտնում է «Sputnik Казахстан»-ը:
ՄԱԿ-ի շտաբ կենտրոնակայանում Ղազախստանի մշտական ներկայացուցիչ Կայրաթ Ումարովը ստորագրել է Քաղաքացիական և քաղաքական իրավունքների միջազգային դաշնագրի երկրորդ կամընտիր արձանագրությունը, որի նպատակն է վերացնել մահապատիժը:
Մահապատժի վերացման վերաբերյալ արձանագրությանը միանալու մասին որոշումը նախապես հայտարարել է երկրի նախագահ Կասիմ-Ժոմարտ Տոկաևը՝ ելույթ ունենալով ՄԱԿ-ի Գլխավոր ասսամբլեայի 75-րդ նստաշրջանի ժամանակ: Նա շեշտել է, որ Ղազախստանը հավատարիմ է կյանքի և մարդու արժանապատվության հիմնարար իրավունքի իրացմանը: