Գեղեցիկ կազմվածք ունենալը պահանջում է ոչ միայն ինտենսիվ մարզում, այլ նաև սննդակարգի և օրվա ռեժիմի փոփոխություններ: Այնուամենայնիվ, այս ամենը կարելի է անել առանց տիտանական ջանքերի կամ թանկարժեք ներդրումների:
Համացանցում իրական օգտատերերը կիսվել են նիհարելու իրենց մեթոդներով, որոնք իրականացնելու համար պետք է հետևել հասարակ մի քանի պայմանի։
Քայլել
«Իրականում այն թերագնահատված է: Դա կարող է անել յուրաքանչյուրը, ցանկացած վայրում և լրիվ անվճար: Ես առավոտյան շատ վաղ եմ արթնանում և գնում աշխատանքի․ 30 րոպե քայլում եմ դեպի կանգառ: Տան ճանապարհին շուտ եմ իջնում տրանսպորտից և կրկին 30 րոպե քայլում դեպի տուն»:
70 տոկոսի կանոնը
«Կերեք ձեր ուտելիքի 70 տոկոսը, ապա ընդմիջեք, մի փոքր խոսեք, ջուր խմեք և վայելեք: Որոշ ժամանակ անց կզգաք, թե ինչպես է սնունդը հասնում ստամոքս, և սովի զգացումն աստիճանաբար անցնում է»։
Տեսողական խաբկանք
«Սնվելիս ես օգտագործում եմ մեծ ափսեներ։ Դրանցում եղած ուտելիքն ավելի շատ է թվում և ուտելու ընթացքում շուտ եմ հագենում: Չնայած ընկերս զայրանում է դրանից: Նրան տարօրինակ է թվում այն, ինչ ես անում եմ»։
Ընդունում ես կալորիա-այրում ես կալորիա
«Միակ միջոցը, որն ինձ համար օգտակար է՝ «ընդունում ես կալորիա-այրում ես կալորիա»: Դուք պետք է ավելի շատ կալորիա այրեք, քան ուտեք: Դրան կարելի է հասնել ցանկացած դիետայի միջոցով»։
Հաշվեք կալորիաները
«Հաշվեք կալորիաներն՝ օգտագործելով հավելվածներ: Մարդիկ երբեմն ավելի շատ կալորիա են ընդունում, քան կարծում են: Գտեք կալորիայի սահմանափակման և ֆիզիկական ծանրաբեռնվածության միջև եղած բալանսը»։
Սովա՞ծ եք, թե ուղղակի ձանձրանում եք
«Երբ սոված եք, ինքներդ ձեզ հարց տվեք՝ իսկապե՞ս ուզում եք ուտել, թե՞ պարզապես ձանձրալի է: Շատ դեպքերում անհրաժեշտ է ընդամենը մեկ բաժակ ջուր խմել և ուտելուց բացի այլ զբաղմունք գտնել»։
Մի անցեք խիստ դիետայի
«Մի անցեք խիստ դիետայի կամ վարժությունների ռեժիմի: Դանդաղ և կայուն փոփոխություններ կատարեք ձեր ապրելակերպում, մինչև ձեր առողջությունը չբարելավեք, իսկ հետո կարող եք անցնել գործի»։
Պլանավորում
«Նախապես պլանավորեք ձեր ուտեստները և պատրաստեք դրանք ինքներդ: Դուք կզարմանաք, թե որքանով կարող եք այդ կերպ վերահսկել ձեր կալորիաները: Դա նաև խնայում է ժամանակը և գումարը»։
Բաժանում
«Ուտեստը բաժանեք մի քանի մասի, որպեսզի կարողանաք ամբողջ օրը սնվել: Սնվեք առավոտյան 7-ից երեկոյան 7-ը, ապա կանգ առեք: Հրաժարվեք հացից, հացահատկեղենից, կարտոֆիլից, բրնձից, ալկոհոլից և քաղցրավենիքից»։
Մի պահեք տանը քաղցրավենիք
«Ես ուտում եմ գիշերվա կեսին: Երբեմն արթնանում եմ՝ նայելով շոկոլադի դատարկ փաթեթներին, որոնք կերել եմ գիշերը: Հիմա, եթե ինչ-որ քաղցր բան եմ ուզում, դրա համար պետք է գնամ խանութ, իսկ դա գիշերվա ժամին դժվար է»։
Ջուր խմեք
«Խմեք հնարավորինս շատ օրվա ընթացքում, քանի որ սովածության տակ կարող է թաքնված լինել ծարավը: Այն նաև կրճատում է հեղուկ կալորիաները, որոնք արագորեն կուտակվում են, ստիպում են ձեզ սովածություն զգալ և նույնիսկ ավելի շատ կալորիաներ հավաքել»։
Նպատակային քաշ
«Հաշվեք, թե քանի կիլոգրամ կարող եք գցել առողջ մեթոդներով մեկ շաբաթվա կամ ամսվա ընթացքում (սովորաբար շաբաթական մոտ 1 կգ): Հասնել այս նպատակին և դրանից հետո նոր նպատակ դնել շաբաթվա կամ ամսվա համար»: