ԵՄ դիվանագիտության ղեկավար Ժոզեֆ Բորելը, Ուկրաինա կատարած այցից հետո նշել է, որ ԵՄ-ն մտադիր չէ բարեգործությամբ զբաղվել Կիևի համար: Այս մասին հայտնում է ՌԻԱ Նովոստին։
«Ինչպես ես ասացի նախագահին (Վլադիմիր Զելենսկիին), Եվրամիությունը բարեգործական կազմակերպություն կամ բանկոմատ չէ»,-ասել է նա:
Բորելը նշել է, որ Ուկրաինան աջակցության կարիք ունի բարեփոխումներում, քանի որ այս պահին Զելենսկիի ծրագրերի իրականացման տեմպը զգալիորեն դանդաղել է:
Նա նաև հիշեցրել է, որ Ուկրաինային օգնությունը շարունակում է մնալ Եվրամիության օրակարգում՝ շեշտելով, որ Կիևն ինքը պետք է փոփոխություններ կատարի երկրի ներսում: