Հայաստանը Լեռնային Ղարաբաղի հակամարտության սրման կապակցությամբ չի դիմել Հավաքական անվտանգության պայմանագրի կազմակերպության (ՀԱՊԿ) քարտուղարություն: Այս մասին ՏԱՍՍ-ին հայտնել Է ՀԱՊԿ-ի մամուլի քարտուղար Վլադիմիր Զայնետդինովը:
«Այս պահին ՀԱՊԿ քարտուղարություն Հայաստանից դիմումներ չեն ստացվել։ Մենք մշտապես հանդես ենք եկել և հանդես ենք գալիս հակամարտության խաղաղ կարգավորման օգտին. Լեռնային Ղարաբաղի հակամարտության կարգավորման միջազգայնորեն ճանաչված մեխանիզմը ԵԱՀԿ Մինսկի խումբն է», - ասել է Զայնետդինովը ։