Առաջին պահից, երբ Ադրբեջանն ագրեսիվ հարձակումներ սկսեց Արցախի վրա, ակնհայտ էր, որ նաև թիրախային հարձակման են ենթարկվում քաղաքացիական բնակավայրերը:
Ուսումնասիրությունները ցույց են տալիս, որ որևէ տարբերություն չի դրվում քաղաքացիական բնակչության և ռազմական օբյեկտների միջև՝ դրանով իրական վտանգի տակ դնելով ողջ բնակչության կյանքն ու առողջությունը:
Այս հարվածներն ակնհայտ թիրախային են ու նպատակաուղղված են վնաս հասցնելու քաղաքացիական օբյեկտներին: Այս մասին մամուլի ասուլիսի ժամանակ հայտարարեց ՀՀ ՄԻՊ Արման Թաթոյանը:
Թաթոյանը հայտնեց, որ այս պահի դրությամբ Արցախում 4 զոհ կա քաղաքացիական բնակչության շրջանում. «Վտանգված է երեխաների, կանանց, տարեց մարդկանց առողջությունը: Մահացած անձանց թվում նաև կին ու երեխա կա: Վիրավորների թվում էլ կան երեխաներ, կանայք, տարեց մարդիկ»:
