Բարի օր Քաղաքականություն 

ՌԴ Պետդուման հայտարարություն արեց Լեռնային Ղարաբաղի հակամարտության սրման հետ կապված

ՌԴ Պետդուման Լեռնային Ղարաբաղի իրավիճակի վերաբերյալ հայտարարություն է ընդունել, որով կոչ է անում երկու կողմերին դադարեցնել կրակը և պատրաստակամություն հայտնում խաղաղ կարգավորման համար միջնորդական առաքելություն իրականացնել։ Այս մասին հայտնում է Tass.ru-ն։

Հայտարարության մեջ մասնավորապես ասվում է, որ ՌԴ Պետդումայի պատգամավորները լրջորեն անհանգստացած են Լեռնային Ղարաբաղի հակամարտության գոտում իրավիճակի սրման կապակցությամբ, ինչի հետևանքով բազմաթիվ մարդկային զոհեր են եղել, և վճռականորեն դատապարտում են կողմերի կողմից ուժի կիրառումը։

ՌԴ Պետդուման հայտարարել է, որ անհրաժեշտ է անհապաղ դադարեցնել կրակը, անթույլատրելի է տարածաշրջանում հակամարտության թեժացումն, ինչպես նաև նշված է, որ իրավիճակի խաղաղ կարգավորումն այլընտրանք չունի։ ՌԴ Պետդումայի պատգամավոները կոչ են անում կողմերին արագ վերադառնալ բանակցային գործընթացին և պատրաստ են միջնորդական առաքելություն իրականացնել՝ իրավիճակը կայունացնելու նպատակով։

 

 

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից