Լեռնային Ղարաբաղի հակամարտության սրման արդյունքում զոհվածների և վիրավորների՝ այդ թվում խաղաղ բնակչության շրջանում, մասին հասնող տեղեկությունները խորը վիշտ են առաջացնում և մահացածների հարազատներին վշտակցելու զգացում։ Այս մասին ասված է ՌԴ Մարդու իրավունքների հանձնակատար Տատյանա Մոսկալկովայի կողմից տարածած հայտարարության մեջ։
Վերջինս նշել է, որ ՄԱԿ-ի ձևավորման օրվանից մի անգամ չէ, որ ապրում ենք ծանր պատմական իրադարձություններ՝ կապված միջպետական հակամարտությունների հետ, և կարող էինք համոզվել, որ դրանք բոլորը խախտել են մարդու և քաղաքացու բազմաթիվ իրավունքներ, կապված են մարդկային վշտի և ավերածությունների հետ․ «75-ամյակին մենք դա ավելի սուր կերպով ենք գիտակցում և հույս ունենք, որ հակամարտության կողմերը կգործադրեն բոլոր ջանքերը՝ թույլ չտալու համար հետայսու ՄԱԿ-ի սկզբունքների և մարդու իրավունքների՝ առաջին հերթին կյանքի իրավունքի, ճչացող ոտնահարումներ։
Դիմում եմ իմ գործընկերներին՝ Հայաստանի և Ադրբեջանի Մարդու իրավունքների հանձնակատարներին, որպեսզի խորհուրդ տան իրենց կառավարություններին զսպվածություն ցուցաբերել և ձեռնարկել անհրաժեշտ բոլոր միջոցները, որոնք հնարավորություն կտան բոլոր խնդիրները լուծել ոչ թե ուժով և զենքով, այլ բանակցությունների միջոցով կայունացնել իրավիճակը»։
Մոսկալկովան վստահություն է հայտնել, որ ցուցաբերված մարդկայնությունը, հումանիզմն ու գոյություն ունեցող միջազգային իրավական նորմերը հնարավորություն կտան խուսափել բռնությունից և պաշտպանել քաղաքացիների հիմնարար իրավունքները։
Մոսկալկովան նաև նշել է, որ պատրաստ է օգնություն ցուցաբերել յուրաքանչյուրին, ով հայտնվել է ծանր իրավիճակում՝ Լեռնային Ղարաբաղի հակամարտության հետ կապված։
