1 տասնյակից ավել կուսակցությունները հայտարարությունով դիմում են կառավարությանը՝ ներկայացնելով երկու պահանջ: Այս մասին քիչ առաջ հայտարարեց ՀՅԴ ներկայացուցիչ Իշխան Սաղաթելյանը:
Հայտարարությանը միացած կուսակցությունները պահանջում են հրատապ կարգով ստեղծել ռազմաքաղաքական հարցերի օպերատիվ կառավարման շտաբ-պետական հատուկ մարմին՝ օժտելով նրան որոշումներ ընդունելու, օպերատիվ գործողություններ ծրագրելու և համակարգելու իրավասություններով:
Երկրորդ՝ հայրենիքի պաշտպանությունն արդյունավետ կազմակերպելու համար ներգրավել Հայաստանի ու Արցախի նախկին ու գործող նախագահներին, վարչապետերին, ՊՆ ու ԱԳ նախարարներին, ռազմական ու քաղաքական փորձառություն ունեցող այլ անձանց:
Սաղաթելյանը հայտնեց, որ պատրաստ են այս օրակարգով հանդիպել ՀՀ վարչապետի հետ ու քննարկել դետալները:
