Քաղաքականություն 

Պուտինը կոչով դիմել է ՆԱՏՕ-ին

analitik.am

 

ՌԴ նախագահ Վլադիմիր Պուտինը դիմել է ՆԱՏՕ-ին՝ կոչ անելով մարաթորիում հայտարարել Եվրոպայում միջին ու փոքր հեռահարության հրթիռների տեղակայման մասով: Այս մասին հայտնում են Կրեմլի մամուլի ծառայությունից:

Պուտինի խոսքերով, միջին ու փոքր հեռահարության հրթիռների լիկվիդացիայի վերաբերյալ ռուս-ամերիկյան պայմանագիրը կարևոր էր Եվրոպայի համար, իսկ պայմանագրից ԱՄՆ-ի դուրս գալը՝ մեծ սխալ:

ՌԴ ղեկավարը հայտարարել է, որ Ռուսաստանը պատրաստ է Եվրոպայում չտեղակայել «Իսկանդերի» 9М729 հրթիռները, եթե ՆԱՏՕ-ն ևս գնա նման քայլի:

Պուտինը նաև առաջարկել է ստուգել՝ համապատասխանում են արդյո՞ք պարամետրերին Կալինինգրադում տեղակայված 9М729 հրթիռներն ու Եվրոպայում տեղակայված ՆԱՏՕ-ի և ԱՄՆ-ի հրթիռները:

Ռուսաստանի նախագահը կոչով դիմել է նաև բոլոր շահագրգիռ կողմերին՝ հայտարարելով, որ ռուսական կողմը բաց է համատեղ աշխատանքի համար:

 

Նույն շարքից