Ղարաբաղյան հակամարտության կարգավորման գործընթացին որևէ երկրի ներգրավվածությունը պետք է տեղի ունենա Հայաստանի ու Ադրբեջանի համաձայնությամբ: Այս մասին, ինչպես փոխանցում է ՏԱՍՍ-ը, հայտարարել է ՌԴ նախագահի խոսնակ Դմիտրի Պեսկովը՝ պատասխանելով հարցին՝ արդյո՞ք Թուրքիան ավելի շատ պետք է ներգրավված լինի բանակցային գործընթացում:
«Այստեղ կարևոր են երկու երկրի դիրքորոշումները: Խոսքը վերաբերում է հակամարտող կողմերին՝ Հայաստանին ու Ադրբեջանին: Միայն նրանք կարող են համաձայն լինել կամ դեմ լինել բանակցային գործընթացին այս կամ այն երկրի մասնակցությանը»,-ասել է նա:
