Ռուսաստանը մտահոգված է Լեռնային Ղարաբաղի հակամարտության մեջ Մերձավոր Արևելքից ահաբեկիչների ավելի շատ ներգրավմամբ։ Այս մասին բրիֆինգի ժամանակ ասել է ՌԴ ԱԳՆ ներկայացուցիչ Մարիա Զախարովան։ Փոխանցում է ՏԱՍՍ-ը։
«Մենք խորապես մտահոգված ենք շարունակվող ռազմական գործողություններով, Մերձավոր Արևելքից ռազմական գործողություններում ավելի շատ օտարերկրյա ահաբեկիչների ներգրավմամբ։
Նկատելի է, որ աճել են հակամարտող կողմերի տնտեսությունների և հասարակությունների ծախսերը։ Մենք վստահ ենք, որ հարցի խաղաղ կարգավորումն այլընտրանք չունի, անհրաժեշտ է վերսկսել ԵԱՀԿ Մինսկի խմբի ձևաչափով բանակցություններն»,- ասել է Զախարովան։
Վերջինս նաև նշել է, որ ՌԴ-ն շարունակում է ջանքեր գործադրել հակամարտության դեէսկալացիայի և բանակցային գործընթացը վերսկսելու ուղղությամբ։
