ՌԴ ԱԳՆ-ն չի բացառում, որ Լեռնային Ղարաբաղի հակամարտության գոտում ադրբեջանական կողմից կռվող Սիրիայից ու Լիբիայից բերված վարձկանները կարող են հայտնվել Ռուսաստանում: Այս մասին հայտնում է ՌԻԱ Նովոստին:
«Բացառել նման վտանգը, իհարկե, պետք չէ»,-ՌԻԱ Նովոստիի հետ զրույցում ասել է ՌԴ ԱԳ փոխնախարար Օլեգ Սիրոմոլոտովը:
«Ահաբեկչության դեմ պայքարում մանրուքներ չկան: Կարևոր է վերլուծել ցանկացած վտանգ, այդ թվում՝ պոտենցիալ, ու աշխատել կանխելով»,-ասել է նա:
«Ռուսաստանցի իրավապահները շատ ուշադիր հետևում են իրավիճակին ու, ինչպես ասում են, ձեռքները պահում են պուլսի վրա»,-հավելել է ռուսաստանցի պաշտոնյան:
