Հասարակություն 

Նիկոլը մեր պատմության միակ ղեկավարն է, ով շատ լուրջ է վերաբերվել «Կիսաբաց լուսամուտներին», «Կարգին սքեչերին» և «Դժվար ապրուստին». Մհեր Մկրտչյան

analitik.am

«Մհեր Մկրտչյան» թատրոնի գեղարվեստական ղեկավար, ռեժիսոր և սցենարիստ Մհեր Մկրտչյանը ֆեյսբուքյան իր էջում գրում է.

«Նիկոլը իրավունք ունի նվաստացնել ամբողջ մի ազգի:

Նիկոլը իրավունք ունի ծախել և Արցախը, և Սյունիքը` ինչ ուզում ա:

Վաղը կվերանա տնտեսությունը ու կսկսի սով` Նիկոլը դրա իրավունքը ունի:

Նա կարծում ա`որ ունի:

Որովհետև ազգը սկզբից չէր ճանաչում նրան, հետո կոտրվեց ու դարձավ անտարբեր:

Հիմա գովում եմ պարոն վարչապետ:

Դու մեր պատմության միակ ղեկավարն ես ով շատ լուրջ ա վերաբերվել «Կիսաբաց լուսամուտներին», «Կարգին սքեչերին» և «Դժվար ապրուստին»:

Դու շատ լավ ես ճանաչում քո հանդիսատեսին ու հավատում նրա հավատարմությանը:

Դու սիրում ես ու վստահում մեր ազգի միջի քո տեսակին` իսկ այդ տեսակը սիրում ա քեզ: Դու համոզված ես, որ դուք միասին`մեծամասնությունն եք: Ես` ոչ:

Մեր պատկերացրումները Հայ ազգի մասին տարբեր են:

Ես չեմ հոգնի, պարոն վարչապետ: Ես, իմ նման, ինձնից շատ ավելի արժանի մարդիկ:

Ես չեմ գնա երկրից ունենալով և հնարավորություններ, և քաղաքացիություններ….

Ու ամեն օր քո գիպնոզի տակից կհանեմ տասնյակ մոլորված անտարբեր մարդկանց:

Ամեն ինչ լավ ա լինելու: Առանց քեզ»:

Նույն շարքից