Հասարակություն 

Պատերազմի դաշտում երկու ոտքը կորցրած կամավորին առաջին կարգ չեն ուզում տալ

Սեպտեմբերի  27-ին ռազմադաշտ կամավոր մեկնած 30-ամյա Արգիշտի Միքայելյանի ընտանիքն օգնության կարիք ունի: Այս մասին հայտնում է 168.am-ը:

Տան միակ աշխատողի՝ Արգիշտիի վիրավորվելուց հետո նրանք խնդրի առջև են կանգնել. չեն կարողանում վճարել տան վարձը, գնել սնունդ:

«Ամուսինս եղել է Մատաղիսում, առաջին գծում: Սեպտեմբերի 27-ին գնացել է, ամսի 6-ին վիրավոր բերել են Երևան: Ծնկից ներքև կտրված են ոտքերը: Վարձով ապրում ենք Ջրվեժի Ա թաղամասում, ամսական վարձը 35.000 դրամ է: Պետությունից դեռ ոչ մի օգնություն չենք ստացել, ամուսինս թղթերը ներկայացրել է, ասել են՝ պրոթեզներիդ հարցը լուծվի, նոր կգաս: Այսպես ասած, ձգձգել են: Ճիշտն ասած՝ առաջին կարգ չեն ուզում տալ, հասկացրել են, որ 2-րդ կարգ կտան: Ամուսինս ասել է՝ էլ ինչպե՞ս  պետք է լիներ, որ առաջին կարգ տայիք: Մի խոսքով՝ ասել են՝ սպասեք: Հիմա հաճախում է «Մուրացան» հիվանդանոց, վերականգնողական կենտրոն, ասել են, որ պրոթեզավորումն անվճար է լինելու, բայց դրան դեռ շատ կա, վերքերը պետք է լավանան, ցավ չլինի, և այլն»,- 168.am-ի հետ զրույցում ասաց Արգիշտիի կինը՝ Տաթևիկը:

Նա նշեց, որ նախքան պատերազմը ամուսինն աշխատել է Ջրվեժի Անտառ-պուրակում՝ որպես տեսուչ, ծառեր են տնկել, պահակություն են արել, ինչպես նաև շինարարությամբ է զբաղվել: Իսկ ինքն ավարտել է բժշկական քոլեջը, բուժքույր է, միշտ ցանկացել է աշխատել, սակայն չի ստացվել:

Երիտասարդ ընտանիքն ունի  երկու տղա, մեկը 4 տարեկան է, մյուսը՝ 2:

Ընտանիքին օգնելու համար գործում է հետևյալ հաշվեհամարը՝ Արգիշտիի անունով.

Հայբիզնեսբանկ 1150013378038019 (ABB, Argishti Mikayelyan), Telcell Wallet +37493507712:

 

  •  
  •  
  •  
  • 2
  •  
  •  
  •  
  •  
  •  
    2
    Shares

Նույն շարքից