Գյուղացիները տարհանված չեն, բնակիչները բոլորն իրենց տեղում են: Այս մասին լրագրողների հետ զրույցում հայտարարել է Գեղամասարի համայնքապետ Հակոբ Ավետյանը:
«Այս պատերազմի ընթացքում մարդիկ կարծես սովորել են: Նույնիսկ լարված իրավիճակում, երբ կրակոցներ կային, ռումբեր էին ընկնում, ժողովուրդը կարողացել էր ինչ-որ ձևով հարմարվել, խուճապ ու փախուստ չկար, մարդիկ իրենց տեղում էին: Այդքանը տեսնելուց հետո, հիմա ավելի թեթև են տանում»,-ասել է նա: