Դեմոկրատ Ջո Բայդենն ԱՄՆ-ի նախագահ կդառնա միայն այն դեպքում, եթե կարողանա ապացուցել, որ ներկայիս ընտրություններում իր ենթադրյալ հաղթանակը արդար է եղել: Նման դիրքորոշում է հայտնել ամերիկյան վարչակազմի գործող ղեկավար հանրապետական Դոնալդ Թրամփը Twitter-ի իր էջում։
«Բայդենը՝ որպես նախագահ կարող է Սպիտակ տուն մտնել, միայն եթե կարողանա ապացուցել, որ իր ծիծաղելի «80 միլիոն ձայները» անօրինական կամ խարդախ ճանապարհով չեն ստացվել»,- գրել Է Թրամփը:
«Երբ տեսնեք, թե ինչ է տեղի ունեցել Դեթրոյթում, Ատլանտայում, Ֆիլադելֆիայում և Միլուոքիում՝ զանգվածային խաբեություն, ապա նա (Բայդենը) մեծ, անլուծելի խնդիր ունի»,- հավելել Է ԱՄՆ առաջնորդը։
Հրապարակումից կարճ ժամանակ անց Twitter-ը նշել է Թրամփի գրառումը՝ որպես ընտրություններում մեքենայությունների վերաբերյալ վիճելի պնդումներ պարունակող հայտարարություն։
Biden can only enter the White House as President if he can prove that his ridiculous “80,000,000 votes” were not fraudulently or illegally obtained. When you see what happened in Detroit, Atlanta, Philadelphia & Milwaukee, massive voter fraud, he’s got a big unsolvable problem!
— Donald J. Trump (@realDonaldTrump) November 27, 2020