Ինչպես արդեն հայտնել ենք, մի խումբ ծնողներ, որոնց երեխաները պարտադիր զինվորական ծառայություն են անցնում Արցախում, հավաքվել են ՊՆ-ի մոտ ու պահանջում են իրենց որդիներին բերել Հայաստան:
Քիչ առաջ Պաշտպանության նախարարի հետ հանդիպումից դուրս եկան այն ծնողները, ովքեր գնացել էին իրենց պահանջը ներկայացնելու:
Նախարարն ասել է, որ դա հնարավոր չէ, եթե բանակն Արցախից դուրս գա, հնարավոր է կռիվ լինի. «Հնարավոր չէ, որ բանակն այնտեղից գա»:
Քաղաքացին ասաց, որ պատերազմին մասնակցած զինծառայողներին կուղարկեն արձակուրդի, հետո կմտածեն այդ զինծառայողներին Հայաստան բերելու ու այստեղից նրանց փոխարեն այլ զինծառայողներ տանելու տարբերակի մասին:
Ծնողներին նաև ասել են, որ զինծառայողների անվտանգությունն ապահովված է:
Ծնողներին չի բավարարել նախարարի ասածները: