Աֆղանստանի կենտրոնական մասում գտնվող Վարդակ նահանգում անհայտ անձինք առևանգել են Կարմիր խաչի միջազգային կոմիտեի (ԿԽՄԿ) աշխատակցին, հայտնում է ria.ru-ն՝ վկայակոչելով երկրում ԿԽՄԿ ներկայացուցչի հայտարարությունը:
Հայտարարության համաձայն՝ Կարմիր խաչի աշխատակցին պատանդ են վերցրել շաբաթ օրը, նրան ազատ արձակելու համար ներկայում բանակցություններ են ընթանում։
Առայժմ երկրում գործող խմբավորումներից ոչ ոք չի ստանձնել առևանգման պատասխանատվությունը:
