Ուկրաինայում դեռասահներն այրել են իրենց ընկերոջը հանուն «զիլ տեսանյութի»: Այս մասին հայտնում են տեղի ոստիկանությունից:
Միջադեպը տեղի է ունեցել կիրակի օրը, տուժողը 12-ամյա տղա է:
Տղան ոստիկաններին պատմել է, որ իրեն այրել են ընկերները՝ հանուն լավ տեսանյութի: Ոստիկանության աշխատակիցները պարզել են, որ ամեն ինչ եղել է հենց տուժողի համաձայնությամբ. տղաները սպիրտ են լցրել իրենց ընկերոջ վրա ու այրել: Ամբողջ պրոցեսը ֆիքսվել է բջջային հեռախոսների միջոցով: Տղան նշել է, որ հույս է ունեցել, թե այրվածքներ չի ստանա:
Հավելենք, որ երիտասարդը մարմնի 30 տոկոսն այրվածք է ստացել:
Հարուցվել է քրեական գործ: