Անհետ կորած զինծառայողների ծնողները բողոքի ակցիա են անում Էջմիածնի զորամասի դիմաց: Այստեղ ներկաների հարազատներն անհետ կորել են Զանգելանի հատվածում: Ներկաներից մեկն ասաց, որ երեկ հանդիպել են Նիկոլ Փաշինյանի օգնական Նաիրի Սարգսյանի հետ. «Նա ասաց, որ տվյալներ չունի: Նա զանգեց ինչ-որ տեղ, ճշտումներ կատարեց, հետո հեռախոսն անջատեց ու ասաց, որ չեն կարող կոնկրետ օր ասել»:
Մեկ այլ քաղաքացի ասաց, որ Սարգսյանն ասել է հարցը կարելի է լուծել միայն բանակցություններով, ինչը չի ստացվում. «Կամ պատերազմի միջոցով: Հիմա մեր ծնողներն այնտեղ են, եթե կրակոցներով մտնեն, թուրքը հասնի Երևան, Էջմիածին, ո՞վ է պատասխանատու: Նաիրին ասում է կամ պատերազմով, կամ բանակցություններով: Բանակցությունները չեն ստացվում»:
«Ծնողին ասում են կամ պատերազմ կամ բանակցություններ, բանակցությունները չեն ստացվում, ծնողն ի՞նչ ասի: Նենց բան են ասում, որ ծնողը չունենա պատասխան»,-ասաց մեկ այլ քաղաքացի:
Մյուս քաղաքացին նշեց, որ պատրաստ է տունը ծախել, զենք գնել ու գնալ պատերազմի. «Ընտրելու տարբերակ չկա, ուրեմն պատերազմ կանենք: Հաստատ ես իմ ախպոր համար կանեմ»:
