Տեսանյութեր Քաղաքականություն 

Մենք ադրբեջանական կողմին հրավիրում ենք առնչվել իրականության հետ․ ՀՀ ԱԳ նախարար

 

Նոյեմբերի 9-ի հայտարարությունը որևէ սահմանափակում չի դրել ու չի կարող դնել հայ պաշտոնյաների, արտասահմանյան գործընկերների Արցախ այցի մասով: Այն որևէ տարր չի պարունակում կարգավիճակի հստակեցման ուղղությամբ: Հետևաբար մենք ադրբեջանական կողմին հրավիրում ենք առնչվել իրականության հետ, հրաժարվել ռազմատենչ ու հայատյաց հռետորաբանությունից և միասին աշխատել, սկսել բանակցություններ կարգավիճակի վերջնական հստակեցման ուղղությամբ, եթե իսկապես պատրաստ են Հայաստանի ու Արցախի հետ բնականոն հարաբերություններ հաստատելուն: Այս մասին լրագրողների հետ զրույցում հայտարարել է ՀՀ ԱԳ նախարար Արա Այվազյանը՝ պատասխանելով Իլհամ Ալիևի հայտարարությանը:

Ավելի վաղ Իլհամ Ալիևը հայտարարել էր, որ որևէ մեկն իրավունք չունի մուտք գործելու Արցախ առանց ադրբեջանական իշխանությունների թույլտվության: Ալիևը նաև սպառնացել էր հայ պաշտոնյաներին:

  •  
  •  
  •  
  • 2
  •  
  • 1
  •  
  •  
  •  
    3
    Shares

Նույն շարքից