Իրավական Տեսանյութեր 

Փայտանյութով բեռնված «ՈՒԱԶ» մակնիշի մեքենա է փախուստի դիմել /տեսանյութ/

 

Հունվարի 12-ին՝ ժամը 16.30-ի սահմաններում, ոստիկանության Տավուշի բաժին ահազանգ է ստացվել, որ «Արծվաբերդի» անտառտնտեսության «Նավուրի» անտառպետության տարածքում փայտանյութով բեռնված «ՈՒԱԶ» մակնիշի մեքենա է դիմել փախուստի։

Ոստիկանության Տավուշի և Իջևանի բաժինների ծառայողները համատեղ ձեռնարկած միջոցառումներով նույն օրը Իջևան քաղաքում հայտնաբերել են Բլբուլյան փողոցի 31-ամյա բնակչի փայտանյութով բեռնված «ՈՒԱԶ»-ը և տեղափոխել ոստիկանության Տավուշի բաժին։

Պարզվել է, որ մեքենայի 31-ամյա վարորդը «Համզա» հանդամասում ծառեր է ապօրինի հատել:

Նշանակվել է մասնագիտական ստուգում: Վնասի չափը պարզվում է։

Ժամեր անց ոստիկանության Տավուշի բաժնի ծառայողները «Արծվաբերդի» անտառտնտեսության աշխատակիցների հետ «Համզա» հանդամասում ստուգայց կատարելիս նկատել են Իջևանի 41-ամյա բնակչի «ԳԱԶ-66» մակնիշի մեքենան, որից քիչ հեռու 5 խմ փայտանյութ էր թափված։

Բեռնատարի վարորդը վառելափայտի օրինականությունը վկայող որևէ փաստաթուղթ չի ներկայացրել, հայտնել է, որ նշված հանդամասից ապօրինի հատել է ծառեր։

Փայտանյութն ի պահ է հանձնվել «Արծվաբերդի» անտառտնտեսության աշխատակիցներին։

Բեռնատարը տեղափոխվել է բաժնի հատուկ պահպանվող տարածք:

Հանգամանքները պարզվում են: Նախապատրաստվում են նյութեր:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից