2019 թվականին Արայիկ Հարությունյանը, ով դեռ որպես Արցախի նախկին վարչապետ էր հայտնի, Մեհրիբան Ալիևային Շուշի հրավիրելու վերաբերյալ Աննա Հակոբյանի հայտնի հայտարարությունը դիվանագիտական հաղթանակ էր համարել.
«Չեմ ուզում արդարացնել կամ քննադատել, բայց տիկին Հակոբյանի խոսքում ես հասկանում եմ` Մեհրիբան, Ղարաբաղում դու կարող ես մուղամ լսել միայն հյուրի կարգավիճակով` ի պատասխան նրա այն գրառման, որ Ղարաբաղում մուղամ ենք լսելու, դրոշ ենք տնկելու: Ինձ համար այդ էր ընկալումը: Սա ավելի շատ արհամարհանք եմ համարել եւ քաղաքական դիվանագիտություն քաղաքական դիվանագիտության հաղթանակ»,-ասել էր նա:
Հիշեցնենք, որ երեկ՝ հունվարի 15-ին Իլհամ Ալիևը և Մեհրիբան Ալիևան այցելել էին Շուշի, որը գրավվեց նույն Արայիկ Հարությունյանի նախագահության օրոք: Նրանք Շուշիում խմեցին իրենց թեյը, հնարավոր է՝ մուղամ էլ լսեցին, բայց առանց Աննա Հակոբյան:
