Մանրամասներ են հայտնի դարձել Ռյազանում ամուսնու կողմից 33-ամյա լրագրող Ժաննա Շեպլայկովայի սպանության մասին:
Նշվում է, որ ամուսինը խանդել է նրան և ոչ մեկ անգամ է սպառնացել սպանել:
2020 թվականի աշնանը, երբ կողմերը հասկացել են, որ այլևս չեն կարող իրար հետ ապրել, որոշել են ամուսնալուծվել: Նոյեմբերին Ժաննայի ամուսինը համաձայնվել է հանգիստ թողնել կնոջը, ով արդեն ծանոթացած է եղել այլ տղամարդու հետ:
Դրանից հետո լրագրողի ամուսինը դպրոցի մոտից առևանգել է համատեղ երեխաներից մեկին և տարել Տվեր, սակայն ավելի ուշ վերադարձրել է տղային:
Հունվարի 15-ին Ալեքսեյն անսպասելի կերպով հյուր է գնացել կնոջը և պահանջել է իրեն տալ երեխաներին: Ողբերգությունից մի քանի րոպե առաջ Ժաննան հասցրել է նամակ ուղարկել եղբորն ու ընկերուհուն՝ հայտնելով նախկին ամուսնու գալու մասին ու տեղեկացնելով, որ իրեն վտանգ է սպառնում: Ցավոք, դա չի փրկել նրան: