ՌԴ ԱԳՆ պաշտոնական ներկայացուցիչ Մարիա Զախարովան կարճ կոնկրետ պատասխանել է ԱՄՆ նորընտիր նախագահ Ջո Բայդենի խորհրդական Ջեյկ Սալիվանին, ով պահանջել է անհապաղ ազատ արձակել Ալեքսեյ Նավալնուն ու պատժել «մեղավորներին»:
«Ինչ եմ ուզում ասել պարոն Սալիվանին, ինչպես նաև արտասահմանցի այլ պաշտոնյաների, ովքեր արտաբերում են նախօրոք պատրաստված մեկնաբանությունները: Հարգեք միջազգային իրավունքը, ոտնձգություն թույլ մի տվեք ինքնիշխան պետությունների ազգային օրենսդրության նկատմամբ և զբաղվեք ձեր սեփական երկրներում առկա խնդիրներով»,-գրել է նա իր էջում: