Քիչ առաջ ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը 20 րոպե ընդմիջում խնդրեց ԱԺ նիստի ժամանակ «Իմ քայլի» հետ բանակցելու համար:
Նշենք, որ ԼՀԿ-ն նախագիծ է ներկայացրել, որը վերաբերում է ստեղծված իրավիճակից դուրս գալու գործողությունների ծրագիր սահմանելու մասին հայտարարության նախագծին:
Նախագծի կետերից մեկն այն է, որ երկրի թիվ մեկ բանակցողը պետք է փոխվի, այլապես հայանպաստ որոշումների չենք կարող հանգել բանակցությունների ժամանակ, ինչն ապացուցվեց հունվարի 11-ին:
Մարուքյանը նշեց, որ իշխանությունները որևէ քայլ չեն արել նաև մյուս բոլոր կետերով, որոնք վերաբերում են քաղաքական ճգնաժամ հայտարարելուն և այլն:
Նախագիծը գլխադասային հանձնաժողովում բացասական եզրակացություն է ստացել:
Իմքայլական Վահագն Հովակիմյանն ասաց, որ իրենք դեմ են այդ նախագծին, սակայն պատրաստ են քննարկել օրինակ գերիների հարցը, եթե դա կօժանդակի, չի վնասի հարցի լուծմանը. «Ով է մեր ձեռքերը կապել»,-ասաց նա:
