ՌԴ ԱԳ նախարար Սերգեյ Լավրովը հայտարարել է, որ Հայաստանն ու Արցախը միմյանցից կտրելու հարց երբեք չի եղել՝ հիշեցնելով, որ նոյեմբերի 9-ի հայտարարության մեջ հատուկ կետ կա Լաչինի միջանցքի մասին, որը գտնվում է ռուսական խաղաղապահների վերահսկողության տակ:
«Երբեք որևէ մեկը չի հերքել Հայաստանի ու Լեռնային Ղարաբաղի միջև կապը: Բանակցությունների ողջ ընթացքում երբեք հարց չի եղել Հայաստանն ու Ղարաբաղը միմյանցից կտրելու վերաբերյալ: Դրա համար Լաչինի միջանցքը երբեք չի մերժվել: Այն շարոնակում է մնալ կողմերի՝ այդ թվում՝ ադրբեջանցիների, համաձայնության առարկա»,-ասել է նա:
