Սյունքի մարզի Շուռնուխ համայնքում էլեկտրական լարերով առանձնացրել են սահմանի որոշ հատված, որ անասունները չկարողանան անցնել Ադրբեջանին անցած տարածքներ։ Այս մասին NEWS.am-ի հետ զրույցում ասել է գյուղապետ Հակոբ Արշակյանը։
«Գյուղ չմտած՝ էդ հատվածը լրիվ էլեկտրական լարեր ենք քաշել, անց կացրել, որ մեր անասունները չիջնեն, գնան ձորը»,- նշել է Հակոբ Արշակյանը։
Գյուղապետը հայտնեց, որ գյուղի մի մասը Ադրբեջանին անցնելուց հետո միջադեպեր չեն գրանցվել, վիճակը հանգիստ է։
«Հիմա տարհանված քաղաքացիների ջրի հարցն ենք լուծում, նեքեւի թաղի ջուրը տեղափոխում ենք»,- ասել է նա։
Գյուղապետը նշել է նաև, որ հայ սահմանապահները նույնպես հսկում են տարածքը։