Այսօր խորհրդարանում կառավարության հետ հարցուպատասխանի ժամանակ ՀՀ Ֆինանսների նախարար Ատոմ Ջանջուղազյանն այդպես էլ չպատասխանեց հարցին՝ արդյո՞ք պատրաստվում են կրկին գումար փոխանցել «Հայաստան» համահայկական հիմնադրամից պետական բյուջե:
Հարցը կառավարությանն ուղղեց ԼՀԿ-ական պատգամավոր Հրանտ Այվազյանը, ով ցանկանում էր, որ իր հարցին պատասխաներ Նիկոլ Փաշինյանը, սակայն ամբիոնին մոտեցավ ֆիննախը:
Ջանջուղազյանը հարցին չպատասխանեց, ինչի պատճառով Այվազյանը նույն հարցն ուղղեց նաև արձագանքի ժամանակ, սակայն պատասխան կրկին չհնչեց:
Ջանջուղազյանը նաև չպատասխանեց հարցին, թե ինչպես է ծախսվել հիմնադրամում հավաքված 170 միլիոն դոլարը: