Քաղաքականություն 

Այս թեմայի մեջ բավական ակտիվ ընդգրկված են «սորոսական» իրավաբան-իրավապաշտպանները, ովքեր բավականին ուշագրավ գործունեություն են սկսել նաև մարզերում. «Փաստ»

analitik.am

«Փաստ» թերթը գրում է. «Վերջին շրջանում հայաստանյան ներքաղաքական, իսկ ավելի ստույգ՝ ներիշխանական ու մերձիշխանական կոնգլոմերատում բավական ակտիվ քննարկվում է հակակոռուպցիոն դատարանների սեղծման թեման։ «Փաստ» թերթի տեղեկություններով, այս թեմայի մեջ բավական ակտիվ ընդգրկված են ՀԱԿ ներկայացուցիչները, ինչպես նաև, այսպես կոչված, «սորոսական» իրավաբան-իրավապաշտպանները։

Հակակոռուպցիոն դատարանների հետ կապված՝ նշված խմբերի ներկայացուցիչներն ընդգծում են, որ դա ընդամենն իրավիճակային լուծում է և ոչ մի հստակ կարգավորում չի մտցնելու համակարգում, ասել է թե՝ սա համարում են իշխանության կողմից նախաձեռնված հերթական արհեստական օրակարգը, որը բերվել է առաջին պլան։

Մեր տեղեկություններով, արևմտյան ֆինանսավորում ունեցող ՀԿ-ների ներկայացուցիչները շարունակում են առաջ քաշել այն թեզը, որ դատական համակարգի վեթինգն անխուսափելի է և համակարգում «կարգուկանոն» մտցնող միակ գործիքակազմն է, մնացած բոլոր գործողությունները ֆեյք օրակարգ են։

Ի դեպ, նրանք բավականին ուշագրավ գործունեություն են սկսել նաև մարզերում, ուր փորձում են որոշակի հարցերի շուրջ հասարակական կարծիք ձևավորել, ընդ որում, հաճախ ոչ «հենց այնպես»:

Մանրամասն՝ թերթի այսօրվա համարում

 

Նույն շարքից