Հասարակություն 

Արցախում երկարաձգվել են որոշակի ժամկետով հաշմանդամ ճանաչված անձանց հաշմանդամության վերափորձաքննության ժամկետները

 

Երկարաձգվել են որոշակի ժամկետով հաշմանդամ ճանաչված անձանց հաշմանդամության վերափորձաքննության ժամկետները։ Այս մասին տեղեկացնում է Արցախի Աշխատանքի, սոցիալական եւ միգրացիայի հարցերի նախարարությունը։

«2020թ.-ի պատերազմական գործողություններով եւ բժշկասոցիալական փորձաքննության ոլորտում իրավասու պետական մարմնի գործունեության կասեցմամբ պայմանավորված՝ երկարաձգվել են որոշակի ժամկետով հաշմանդամ ճանաչված անձանց հաշմանդամության վերափորձաքննության ժամկետները։

Մասնավորապես, եթե անձի հաշմանդամության վերափորձաքննության ժամկետը սահմանված էր 2020 թվականի ապրիլի 15-ից մինչեւ 2021 թվականի մարտի 1-ը, ապա նրա հաշմանդամության վերափորձաքնության ժամկետ է համարվում 2021 թվականի ապրիլի 15-ը։

Նշված անձանց կենսաթոշակները եւ դրամական այլ հատուցումները կշարունակվեն վճարվել բժշկասոցիալական փորձաքննություն իրականացնող իրավասու պետական մարմնի՝ մինչեւ 2020 թվականի ապրիլի 15-ը տված վարչական ակտում նշված հաշմանդամության խմբի («հաշմանդամ երեխա» կարգավիճակի) համար հաշվարկված չափերով»,- ասվում է հաղորդագրությունում։

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից