Սենատոր Բեռնի Սանդերսի լուսանկարն ԱՄՆ նախագահ Ջո Բայդենի երդմնակալության արարողությունից հայտնվել է սոցիալական ցանցերում: Այս մասին հայտնում է ՌԻԱ Նովոստին։
Սանդերսի լուսանկարը, ով նստած է պաշտպանիչ դիմակով և ձեռնոցներով տարածվել է սոցիալական ցանցերում #berniesmittens հեշթեգով: Նշվում է, որ այդ ժամանակ ջերմաստիճանը +6 աստիճան է եղել: Օգտատերերն ակտիվորեն օգտագործել են լուսանկարը՝ մեմեր և կոլաժներ ստեղծելու համար:
Если бы экс-кандидат в президенты США Берни Сандерс приехал не к Байдену, а к Путину.#berniesmittens pic.twitter.com/r2ID2XGThf
— Кремлевский пул РИА (@Kremlinpool_RIA) January 21, 2021
Նշվում է, որ Սանդերսի ձեռնոցները պատրաստել է Վերմոնտի ուսուցչուհի Ջեննա Էլիսը, ով դրանք նվիրել է Սանդերսին մի քանի տարի առաջ, գրում են լրատվամիջոցները: Ինչպես Twitter-ում գրել է ուսուցչուհին, նա դրանք պատրաստել է հին սվիտերներից:
Ինքը՝ Սանդերսը, նույնպես արձագանքել է ձեռնոցների վերաբերյալ հարցերին․ «Վերմոնտում մենք տաք էինք հագնվել, քանի որ այնտեղ ցուրտ էր: Մեզ չի անհանգստացնում նորաձև լինելը, մենք հոգ ենք տանում ջերմության մասին»,-ասել է սենատորը։
I am once again asking for a scarf to go with my fuzzy mittens #BernieSanders #berniesmittens pic.twitter.com/Vyxc6qiJzz
— Arting Starvist (@lexichipperini) January 21, 2021
Հիշեցնենք, որ երեկ՝ հունվարի 20-ին, ԱՄՆ-ում տեղի ունեցավ երդմնակալության արարողությունը, որի ընթացքում Ջո Բայդենը երդվեց և ստանձնեց ԱՄՆ նախագահի պաշտոնը: Քամալա Հարիսը ստանձնեց ԱՄՆ փոխնախագահի պաշտոնը: