Ուկրաինայի կառավարությունը Վիտալի Նեմիլոստիվին ազատել է ռազմավարական արդյունաբերության նախարարի տեղակալի պաշտոնից։ Այս մասին հայտարարել է երկրի վարչապետ Դենիս Շմիգալը, փոխանցում է ՌԻԱ Նովոստին:
Ավելի վաղ հայտնի է դարձել, որ Նեմիլոստիվը հարբած նստել է ավտոմեքենայի ղեկին, խախտել է երթևեկության կանոնները և վիճել ոստիկանության աշխատակցի հետ:
Ուկրաինայի ռազմավարական արդյունաբերության նախարար Օլեգ Ուրուսկին նույնպես անընդունելի է համարել իր տեղակալի պահվածքը։