Հայ-իրանական հարաբերությունները Նիկոլ Փաշինյանի արտաքին քաղաքականության այն խայտառակ էջերից է, որոնք նպաստեցին, որ արցախա-իրանական 132 կմ երկարություն ունեցող սահմանը որպես իրողություն վերանա: Այս մասին մամուլի ասուլիսի ժամանակ հայտարարեց Արմեն Աշոտյանը:
Աշոտյանը բացահայտեց, որ սեպտեմբեր ամսից, երբ դեռ ՀՀ ԱԳ նախարարը Զոհրաբ Մնացականյանն էր, իրանական կողմին երկկողմ այց են խնդրել, սակայն Հայաստանի ԱԳՆ-ն ամիսներ շարունակ Իրանին խնդրել է ընդունել Մնացականյանին, սակայն Իրանը նման թույտվություն չի տվել՝ հաշվի առնելով Սուլեյմանիի սպանությանը Հայաստանի խայտառակ արձագանքը, Իսրայելում Հայաստանի դեսպանության բացումը և շատ այլ հարցեր: