Այս պատերազմը կանխորոշված պատերազմ չէր ու այս պատերազմում կարելի էր հաղթել: Այս մասին մամուլի ասուլիսի ժամանակ հայտարարեց Միհրան Հակոբյանը:
Հակոբյանի խոսքերով, առնվազն այս պատերազմը կարելի էր ավարտել «նիչյա»-ով:
Ինչ վերաբերում է Դավիթ Տոնոյանի վերջին հարցազրույցում արած հայտարարություններին, Հակոբյանի խոսքերով, դրանք արդարացման խղճուկ փորձեր են. «Եթե ինքնասիրություն, թասիբ ունենար, Տոնոյանն ինքնասպան եղած կլիներ, քանի որ ղեկավարել է զինված ուժեր, որը կապիտուլացվել է:
Տոնոյանին մարդիկ զավականեր են վստահել, իսկ նա այդ երեխաներին վերադարձրել է դագաղների մեջ դրած:
Դավիթ Տոնոյանը հիմա ո՞նց է ապրում, ո՞նց է քնում, ի՞նչ խղճով է կարողանում հաց ուտել»:
Հակոբյանը հույս ունի, որ Տոնոյանին իրավական պատասխանատվության ենթարկելուն երկար սպասել պետք չի լինի:
Նա վստահ է, որ Տոնոյանը երկար ցուցմունքներ է տալու, թե ինչ մասնակցություն է ունեցել դավաճանությանը:
