ԱՄՆ նորընտիր նախագահ Ջո Բայդենը կվերացնի արդեն նախկին նախագահ Դոնալդ Թրամփի կողմից սահմանված այն արգելքը, որի արդյունքում տրանսգենդերներին թույլ չէր տրվում ծառայել բանակում: Այս մասին հայտնում է CBS News հեռուստաալիքը՝ հղում անելով իր աղբյուրներին:
Ակնկալվում է, որ այս մասին պաշտոնապես կհայտարարվի այսօր՝ միջոցառման ժամանակ, որին կմասնակցի Պենտագոնի նոր ղեկավար Լլոյդ Օսթինը:
Բայդենը կստորագրի համապատասխան հրամանագիրը և զորամասերին կկարգադրվի մշակել դրա իրականացման ծրագիրը: