Ռուսաստանի ԱԳ նախարար Սերգեյ Լավրովն այսօր հեռախոսազրույց է ունեցել Հայաստանի ԱԳ նախարար Արա Այվազյանի հետ, որի ընթացքում քննարկվել է եռակողմ հայտարարության իրագործումը: Այս մասին հայտնում են ՌԴ ԱԳՆ մամուլի ծառայությունից:
Կողմերը քննարկել են մի շարք հարցեր, այդ թվում այն հարցերը, որոնք վերաբերում են անվտանգությանը, մարդասիրական օգնությանը, տնտեսական ու տրանսպորտային կապերի ապաշրջափակմանը:
Ընդգծվել է բոլոր կողմերի շահերի համընկնման ու համատեղ կառուցողական աշխատանքի կարևորությունը:
Կողմերը նաև խոսել են հայ ռուսական ու միջազգային օրակարգին վերաբերող հարցերի մասին: