Առողջապահության համաշխարհային կազմակերպության գլխավոր տնօրեն Թեդրոս Ադանոմ Գեբրեյեսուսը հայտարարել է կորոնավիրուսի դեմ լայնամասշտաբ պատվաստումների անհրաժեշտության մասին: Այս մասին փոխանցում է ՌԻԱ Նովոստին:
«Բոլոր երկրներում պատվաստումների սկիզբը բխում է ամբողջ աշխարհի շահերից: Սա կօգնի պայքարել վիրուսի դեմ ամենուր։ Եթե վիրուսը հնարավոր չլինի հաղթահարել ամենուր, մարդկությունը չի կարողանա դա անել համաշխարհային մասշտաբով»,- հայտարարել է պաշտոնյան:
Գեբրեյեսուսը բոլոր երկրներին հորդորել է չհետաձգել պատվաստումը, քանի որ հակառակ դեպքում կորոնավիրուսի նոր շտամեր կհայտնվեն:
