Հայաստանի իրադարձությունները դեռ որևէ կերպ չեն ազդում Լեռնային Ղարաբաղի վերաբերյալ պայմանավորվածությունների իրագործման վրա, դրանց իրագործումը պետք է շարունակվի: Այս մասին հայտարարել է ՌԴ նախագահի խոսնակ Դմիտրի Պեսկովը՝ պատասխանելով հարցին՝ արդյո՞ք Մոսկվան վտանգ տեսնում է, որ Երևանում տիրող իրավիճակը կարող է հանգեցնել պայմանավորվածությունների կատարման ու հրադադարի ռեժիմի տապալմանը:
«Ոչ, ամեն ինչ իրագործվում է»,-ասել է նա՝ հավելելով, որ, չնայած Հայաստանում տեղի ունեցող իրադարձություններին, շատ կարևոր է, որ Ղարաբաղի հարցով պայմանավորվածություններն իրագործվեն:
