Էդմոն Մարուքյանի ասած առաջին հատվածն անգամ քննարկման ենթական չէ: Այս մասին լրագրողների հետ զրույցում հայտարարել է Լիլիթ Մակունցը՝ միևնույն ժամանակ նշելով, որ երկրորդ մասի վերաբերյալ ասել են, որ երբևէ պատրաստ են գործնական քայլեր անել այդ ուղղությամբ:
Ավելի վաղ Մարուքյանն առաջարկել էր, որ Փաշինյանը նախագահի աշխատակազմից հետ վերցնի ԳՇ պետ Օնիկ Գասպարյանին ազատելու առաջարկը, բացի դրանից՝ վերանշանակել ԳՇ պետի տեղակալի պաշտոնում Տիրան Խաչատրյանին՝ նշելով, որ դրա փոխարեն ԼՀԿ-ն պատրաստ է վարչապետ չառաջադրելու հարցով հուշագիր ստորագրել իշխանության հետ։
