Դուբայում Հայաստանի տաղավարը եղել է գեղեցիկ, ըստ տարբեր գնահատականների՝ ամենագեղեցիկներից: Այս մասին Ազգային ժողովում հայտարարեց ԲՏԱ նախարար Հակոբ Արշակյանը՝ խոսելով Դուբայում հայկական դատարակ տաղավարի մասին:
Արշակյանը նշեց, որ պետք է խուսափել որակումներից, թե տաղավարը դատարկ է եղել, քանի որ ցուցահանդեսի մասնակցության բովանդակային մասն ապահովում են թե ընկերություններն՝ իրենց գիտելիքներով, թե այն մասնագետները, ովքեր շուկաներ են փնտրում ու գտնում, իսկ պայմանավորվածություններ կան:
Ինչ վերաբերում է առաջացած լոգիստիկ խնդիրներին, նախարարն ասաց, որ ծառայողական քննության արդյունքների դեպքում կտեղեկացնեն:
