Քաղաքականություն 

Մեր պարագայում ողբերգությունը կայանում է նրանում, որ խորտակվողների հետ խորտակվում է նաև Երկիրը. Սենոր Հասրաթյան

 

Քաղաքականությունը ճանապարհ է, որը ենթադրում է անխուսափելի շրջանցումներ ու վայրիվերումներ: Վերջնական արդյունքում դրանք հաջողությամբ հաղթահարում են նրանք, ովքեր տարիներով առերեսվել են իրական քաղաքականությանը և ունեն վաստակ ու հաղթանակներով կերտված հետագիծ, բայց ոչ երբեք Երկրի ղեկին հայտնված այն պատահականությունները, որոնք մեկ օրում կարող են մի քանի անգամ հրապարակայնորեն սրբագրել իրենց ասածն ու այդպես էլ մնալ անհասկանալի:

Վերջինները ոչ թե փորձում են հաղթահարել ստեղծված անխուսափելի շրջանցումները, այլ, պարզապես, անկարողության պատճառով, մշտապես գտնվում են շրջապտույտի մեջ և արդյունքում խորտակվում...

Մեր պարագայում ողբերգությունը կայանում է նրանում, որ այդ խորտակվողների հետ խորտակվում է նաև Երկիրը, իսկ մեզնից շատերն անհասկանալիորեն շարունակում են լուռ ու անհաղորդ հետևել այդ ճակատագրական անկման ընթացքին՝ չգիտակցելով, որ խորտակվողը ոչ թե ինչ-որ մի օտար երկիր է, այլ դարերի հարվածներից մի կտոր մնացած Հայրենիք...

Արցախի ՊԲ նախկին խոսնակ Սենոր Հասրաթյան

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից