ԱՄՆ-ը պատրաստ է պատեհ պահի պատասխան հարված հասցնել Իրաքում «Այն ալ-Ասադ» ավիաբազայի հրթիռակոծությունից հետո, որտեղ տեղակայված է ամերիկյան կոնտինգենտը: Այս մասին ABC-ին տված հարցազրույցում ասել է Պենտագոնի ղեկավար Լլոյդ Օսթինը:
NEW: Defense Sec. Lloyd Austin tells @MarthaRaddatz the U.S. is still assessing who carried out recent rocket attack on base in Iraq housing U.S. troops—and that if the U.S. decides to respond, it will be "at a time and place of our own choosing." https://t.co/dp6TAdiT33 pic.twitter.com/UPoDIhgOT1
— This Week (@ThisWeekABC) March 5, 2021
Խոսքը հարձակման մասին է, որը տեղի է ունեցել մարտի 3-ին, երբ մոտ տասը հրթիռ է արձակվել ռազմական օբյեկտի ուղղությամբ: Զինվորներից որևէ մեկը չի տուժել, սակայն ամերիկացի քաղաքացիական կապալառու է մահացել սրտի կաթվածից, երբ փորձել է թաքնվել արկերից:
Օսթինը նշել է, որ Միացյալ Նահանգներում դեռ գնահատում են, թե ով կարող է կանգնած լինել ավիաբազայի հարձակման ետևում, որը տեղի է ունեցել Սիրիայում ԱՄՆ ավիահարվածից մի քանի օր անց:
Եթե ԱՄՆ-ն որոշի պատասխան հարված հասցնել, ապա «մենք ենք ընտրելու ժամանակն ու տեղը»,-շեշտել է Պենտագոնի ղեկավարը:
